1.

This is an awfu’ busy time
The men are gey near crack!
An weemin! They’re no far ahin!
‘Deed, that’s a perfect fac’!

The merchant mannie, he sat doon,
An’ cowed by that dire threat,
He wadna say anither wird,
‘Bout things o’ ancient date.

Some folk wad hae Watt Waring,
An’ ithers Crabbie Watt,
But we’ll a’ vote for Liberalism
Just ye be sure o’ that.

He’d talked o’ Willie Gladstone,
O’ times sae lang gaen past;
To speak o’ present things we want
Afore oor votes we cast.

Alex Murray, Johnny Milne,
Farquhar and aul’ Dow,
Are sunken deep in Toryism,
But I’ll sure tell ye foo.

Hillies, Headies an’ Euchrie tae,
Liberals o’ deepest dye;
The aul’ Smith, Wards, and Peter Low,
The Souter up the wye.

It’s juist because their faithers were
Rank Tories, ‘fore their day:
But Parliament has changed since then
And Asquith now holds sway.

Willie Largue, the mason man,
Fairmer Gauld across the Muir,
His faither, doon’ beside Greenfaul’,
They a’ are Liberals sure.

If Robbie Burns were still alive
He’d stir them up, I say.
He’d shoot the Tories by the score,
Afore the Pollin’ Day!

Their sons an’ dochters a’ we hope
Will dae a’ in their poo’er,
Tae help tae swell the Liberal cause,
Afore the Pollin’ oor.

Aul’ “Boatie’s” ane o’ the staunchest Whigs
That ever yet was born,
An’ Peter, like a faithfu’ son
Loud blaws the “Liberal” horn.

Vote for Waring, ilka ane!
FREE TRADE it is oor cry;
“Free Trade forever” – may the flag
O’ FREEDOM float on high!

Johnny Morrison o’ Craighead,
At Marnoch school ae nicht,
Vowed he wad jump the Merchant’s Craig
An’ gied him sic a fricht.