Marnoch's Auld Kirkyard

By Rachel S Robertson

1. The simmer glory shines nae mair on bonnie Deveron side;
The fields they a' look bleak an bare, stripped o' their autumn pride;
Yet here and there a hardy flooer peeps fae the chilly sward
That covers mony a form an' face in Marnoch's auld kirkyard.

 

8. Some hae mair o' their hoosehold gems laid in this hallowed earth
Than noo are left tae brichten life aroon' the homestead hearth;
They aft hae felt the bitter pang o' partin' pain sae hard - 
Ane o' earth's dearest spots tae such is Marnoch's auld kirkyard.

 

2. The Deveron sings an endless sang as it gangs rushin' by,
An' through the tombs wi' eerie soun' the wanderin' breezes sigh;
The birdies in the simmer days sing artless notes o' cheer,
But earthly soun's can never stir the sleepers lyin' here.

 

9. Hoo aft as we are wanderin' noo hae those wha silent lie,
Gane walkin' thro' this very place in days like this gane by;
They've heard the Deveron's murmurin', they've scanned the landscape fair,
An' breathed as freely as we do the fresh an' pleasant air.

 

3. We wander through the grassy graves, or linger here an' there,
Tae read the names o' some wha noo hae left a' earthly care,
Some wha through a' life's seasons passed, as' some wha only saw
The happy floorie spring o' youth, afore they pased awa.

 

10. They had their joys, they had their griefs, their sunshine an' their rain,
Their seasons o' sweet happiness, an' darksome oors o' pain;
They lived, they loved, they passed awa, were borne to this lang hame,
Wha kens hoo short or lang till fowk o' us will say the same.

 

4. Up yonder on the grassy knowe stan's Marnoch's kirk - it's fame
Was widely spread ower a' the lan' when the Disruption came;
Noo Edwards near tae Henry sleeps, their lives an' labours past,
Whatever views they held in life, the've common grun' at last.

 

11. We lo'e orr dear auld Scotch kirkyard, where lie the forms we kent,
But we are nae tied doon tae earth; oor thochts sud aye be sent
Awa tae whaur the hame o' those in endless bliss maun be,
Wha listened tae the Saviour's voice when he said "Come tae me".

 

5. Here lie some great anes o' the earth, an' here the humble rest,
Those wha had wealth o' gear, an' those whom pinchin' want opprss't;
The rich enjoy their gifts nae mair, the puir they naething lack,
They've each a narrow bed wherein their hinmost sleep tae tak.

 

12. Faith bids us raise oor tearfu' een beyone the silent tomb,
Awa fae earth, awa fae sin, an' ilka shade o' gloom,
Tae whaur the saints in glory lang tae welcome frien's they loe.
Whaur tears ne'er spring frae mournin' een, nor care lines mar the broo.

 

6. Here bairnies wha scarce begun tae tread life's weary way,
Are lyin' 'neath the grassy turf, they'll never gang astray;
Hid here are graceful maiden forms, an' faces sweetly fair,
An' manly frames, though hardy once, they'll rise tae work nae mair.

 

13. We turn an' leave this silent spot, an' back to life we gang,
Yet memory ilka noo an' then recalls the Deveron's sang;
The dead hae preached tae us this day, an' oh! may we regard
The lessons that may weel be learned in Marnoch's auld kirkyard.

 

7. Here aft the orphan's tears are shed, an' lanely widows weep,
An' mithers view wi' throbbin' herts the bed whaur bairnies sleep;
An' frien's lay floral gifts o' love upon the sacred place
That hides fae them, while life shall last, some dear an' weel kent face.
Back to Top

From the book of songs and poems, 'On Bogie's Banks and Bonnie Deveronside'
by
Rachel S. Robertson
Inverness
1887

Rachel's Next Poem

Return to Index of Poems